未分類
826-827 國際狗狗日活動
不少人都問過我哋：石屋可唔可以帶寵物入去㗎？
我地通常都會回答：我都想帶埋我啲貓貓/狗狗返工，不過……..
不過 8月26日至27日冇問題啊！！！！
8月26 – 27日，我地石屋家園為慶祝國際狗狗日，呢 2日都歡迎各位主人帶埋你哋嘅毛孩入場㗎！
只要填多一份問卷，同埋帶住你嘅毛孩在石屋範圍內打卡上載去你哋自己嘅 Facebook 或者 IG，再Tag返我地 #石屋家園，我地仲會Print 一張你地響石屋嘅打卡照即影即有相留念𠻹！只限呢 2日咋，唔好錯過啊。
點嚟石屋？我地在九龍城聯合道 133號，係一間古蹟社企冰室。場外有一片空地，可以畀毛孩跑啊跑～～～ 玩啊玩～～～
最近車位：
1）延文禮士道錶位（行過嚟 5分鐘左右)
2）九龍城廣場 （行過嚟 8分鐘左右)
坐公共交通公具或行路過嚟？
按呢度
帶寵物入場規則：
- 僅允許入場人士攜帶自家寵物犬隻進入石屋家園戶外範圍，不允許攜帶不屬於其本人之犬隻。
- 格鬥狗隻（比特鬥牛梗、阿根廷杜告狗、巴西非拉狗、日本土佐犬及混有任何上述4個品種的混種狗）及已知危險狗隻（被法庭裁判官宣布為「已知危險狗隻」）均不允許攜帶進內。
- 所有入場犬隻必須已植入微型晶片，能夠辨認其身份，及必須已接種預防狂犬病的疫苗及領有漁護署發出之有效狗隻牌照。
- 進入石屋家園範圍後，犬隻可離開寵物車／袋，唯狗主需全程以不少於2米之狗繩牽引犬隻。犬隻不能無人看管。
- 狗主應採取適當的保護及預防措施，防止寵物犬受寄生蟲感受或感染其他狗隻。
- 狗主應採用適當指令盡量防止犬隻在場內吠叫及避免對其他人士或犬隻造成滋擾。如未能遵守上述守則或犬隻對他人造成滋擾，工作人員保留要求該狗主及其犬隻離開體驗區之權利。
- 狗主有責任自備相關用品並自行清理其犬隻之便溺，以保持場地清潔衛生。
- 入場犬隻如對區內造成任何損壞均由其主人承擔責任。如果造成任何損污，石屋家園將保留收取清潔費及維修費之權利。
- 入場人士須注意自身及其寵物安全，如在活動期間發生意外及有任何損傷，石屋家園毌須作出賠償或負上任何法律責任。
- 開放範圍只限室外，任何犬隻即使已放在寵物車或寵物袋內亦不能進入宝內範圍。
- 所有人士進入石屋家園範圍即代表接受此「入場守則」之所有條款及細則。
- 以上內容及所有條款守則如有更改，恕不另行通知。如有任何爭議，石屋家園保留最終決定權。
